Scritta da: Bepi Zuccollo
in Poesie (Poesie vernacolari)
Poesia
Un'erba che spia
dal crepo de un sasso,
na foja vestìa
de perle de acoasso,
un buto so 'a rama,
na rosa che sbòcia,
un canto de mama
e i oci de un bocia,
la piova che bate
sui veri e va via…
par mi xe poesia.
Do ale de velo
che trema so 'n fiore,
un'alba col celo
che cambia colore,
na viola drio 'l fosso
tra i spini e le urtighe,
na vampa de rosso
tra l'oro de spighe,
la man tua che serca
in silenzio la mia
par mi xe poesia.
Commenta