Poesie di Raffaele Pisani

Questo autore lo trovi anche in Racconti e in Diario.

< 2 di 2

Pubblicata il 27 ottobre 2011

L'albero tuio

Cammina
sott "o sole d'austo
e curre
ncopp" arena cucente,
e quanno
nemmeno 'o mare te darrà frischezza,
e quanno
stanca te sentarraie
e guliosa 'e cuiete,
viene e reposete
sott'a chest'ombra,
io so' l'albero tuio.

Raffaele Pisani

Crea la tua Immagine

Vota la poesia: Commenta

Scritta da: Raffaele Pisani

Pubblicata il 27 ottobre 2011

in Poesie (Poesie vernacolari)

Lampadine fulminate

Avarria vuluto attuorno
meno chiacchiere e cchiù fatte,
na città cu' na cuscienzia
e no uommene distratte.

Ma pecché 'a malincunia
d"a munnezza ammuntunata
ha dda accidere e atterrà
l'allerezza d'ogni strata?

Ma pecché nun ce sta genio
'e guardà nu poco nnante
fravecanno cose overe
senza cchiù parlà a vvacante?

Putarriamo tutte 'e ccose
accuncià pe' nu dimane
ch'abbagliasse ogni paese.
Frate mieie napulitane,

v'avarria vuluto fuoco
e no cennere stutata,
na surgente d'acqua chiara
e no lota nfracetata.

V'avarria vuluto stelle,
comme 'e stelle 'e cchiù allummate,
tutte luce d'oro e no
lampadine fulminate!