La tavolozza piena di colori,
dal blu del mare
al verde della pianura
le sfumature dei fiori
al marrone dei monti
al bianco delle nevi
allo splendido celeste del cielo,
girando l'occhio cosa pensi,
sei in terra Veneta
e qui vedi anche il rosso del mio sangue.
Un'cò, de bona matina so' andà
a sapegare longo a "granda guera",
postassion de obici, nidi de mitraglie,
tunnel scavai nea viva rocia,
dormitori par i soldai, stae par i mui,
longhi camminamenti da sembrar un serpenton.
'Na vision de'naltra dimension,
un lèjero fruscio, drio e me spae,
me fa fermar de boto,
me volto, vardo e...
'na piova de foje che caje zo dal vecio fagaro,
un deicato movimento de vento fa ondegiare
prima che le riesse, in tera, a posare.
Passo dopo passo la me mente assorbe
anca el lieve rumor de foje seche, che sapego,
scrocchiano al mio lento passare,
il tutto me fa pensare,
quanti scarponi ga za pestà'sto bosco qua.
Ghetu mai visto un pes cò i ociai?
I nostri Papaveri i ga sempre intorno.
E ghetu mai visto un pes cò l'impermeabie? Certi nostri Pes...
Un pes sta nell'aqua ciara, mai'n tel quela onta
nialtri ghea sporchemo
iori casa nostra nò i vien ongerla.
Un Pes nò cambia mai color,
nò ne parlemo dei nostri Papaveri.
Tra pes nò serve schei,
tra omeni sì.
Er Pes de Roma magna i quattro nostri schei che ghemo ancora.
Pes magna Pes anca da nialtri can grosso magna can ceo.
I Pesseti pena nati i noa za
che fadiga fasemo a imparar noar.
Tra Pes se se juta.
Tra Pes se se saluda.
Tra Pes se se ciama.
Tra Pes se se varda.
Tra Pes se se capisse
quel che no succede fora aqua.
Un Pes dorme
come un pes.
Un Pes cucca
nialtri semo sempre cucai.
Par far palanche basta trovar un pes al dì.
Un Pes tase
el ga l'aqua in boca.
Mejo magnar un pes,
che esser magnai.
E par finir un Pes xe un Pes,
senò che pes saria!
Triste zornada,
sembra Novenbre.
Coéori spenti, scuri, neri,
come i me tristi pensieri.
Scuro torno,
piova caje.
Bea sarà 'sta giornada
sul Grapa negà.
Mancansa de aqua i diseva,
a piova i spetava,
desso i voria
'na calda està.
Mai contenti,
mai feissi.
Anca l'oseeto, sul gnaro,
no se move,
no ciapa magnare
par el s'o picoéo,
no' canta gnanca,
anca par ju
un'cò no ze festa.
Vedo lontan
'na engua de soe,
la in laguna,
Venessia splende
Venessia ze granda.
A taca,
a ga za tacà.
Fòéae de vento,
muinei de fàive bianche.
Marso pàssareo.
El tempo
no se ga maridà,
lè sta da sposare,
par far queo che voe.
Uncò, qua, nevega.
Bea bianca, vien zo.
Bogoi torno i rami,
i osei i fa fadiga
a catare riparo
tra i nui rami, sensa foje.
Ora de qua,
desso de la,
un fià drita,
vien zo scavessa
bianchi batufoi
caje zo dal ceo.
Ciasse de coéori,
tra qua e la,
sul verde dei prai
un bianco manteo,
màce de primoe, vioete e cornoéaro
ciapa l'ocio.
El paese de Paperopoi
pensavo che fusse soéo so’i giornaeti,
figure sora carta stampà,
tuto sbaglià.
Mesi fa ghe jera Calciopoi
tuti incassai torno un baéon.
Con tuti i Briganti
che se trova in giro
ghe ze anca Brigantopoi.
Par finire,
anca se ze pena scominsià,
ze rivà incoronà
Ricotopoi - Vaetopoi,
ze cascà
anca chi a Corona,
pensava de averla za.
E Regaéopoi
come sarà?
Quando finirà?
Quanto, de tasse,
ancora me ciuciarà.
Dotore dee cause perse,
no' se poe dire,
no' ti ze Avocato.
Ingegnere dei tubi,
gnanca.
Pa-i computer pan tuo,
serca de mastegare,
i denti te-i ghe.
A brassi larghi,
grossi auguri.
Palloni rotondi,
teste rotonde,
come le zucche
... vuote.
Casi de a sorte.
Serti voe tuto,
par gnente.
Pochi voe tanto poco,
"sòéo un sorriso,
stampà so'l viso".