Quanno d'o campà proprio niente ne vulevo cchiù sapè

Quanno d'o campà proprio niente
ne vulevo cchiù sapé
femmena pazzarella e capricciosa
da Secunnigliàno si venuta
pe' cagnà e ndurà sta vita mia.

Comme 'o sole doppo na nuttata nera,
quanno cchiù niente allumava
st'uocchie mieje, luce si arrivata
survigno e doce tanta vàse prufumato
stà vocca toja po' m'ha dato.

Quanta festa pe' stu core sulitario
ca sulo pe' nu surriso tuoje se cunsola
ah comme n'apprufitto e me sfreno 'e suspiro
quanno me staje vicino!

M'ammuina sulo si me strigne 'e mane:
si aggià campà comme stà scritto
d'into 'o libbro d'o destino
sempe accussì te voglio n'ammurata!

Sì, si faccio comme vuo' tu, m'ammulucheje
te dongo aurienza pe' te fa felice
ma tu riggina 'e stu core
hé 'a vulé bene sulo a me!

Me cagnato comme avive sunnato tu
'o vizio 'e penzà cose triste m'hé luvato
nu pizzo a riso ogne mumento s'appiccia pe' te
m'avvampo si chiena 'e tenerezza me parlo
scelle metto si na goccia d'ammore me daje.

Pigliate st'ànema ammò' e portala ncielo
piglia nu nastro culurate 'e sentimento
forte forte fà nu nureco
cu na nocca ca nun se scioglie maje
strigne sti doje vite ca se so ncuntrate.