La sgālmara

Tirando drio ‘l capelo
a na moreja in cāneva,
a go catā na sgālmara
che la faséa puntelo.

El gera stā me fiolo
che on giorno el la ga messa
de soto del vedolo
parché ‘l pissasse in pressa.

Fata de piopa straca
co tante broche torno,
la pele xé de vaca
ma dura come on corno.

Sgālmara de doménega,
sgālmara da laōro,
col culo del caliero
ghe dava on fiā de moro.

E co la coa de mas-cio
mi la tegnéa ingrassā,
sgālmara pa l’inverno,
sgālmara pa l’istā.

Me par che sia stā jeri
che slissighéa sol giasso.
Primo dei canonieri,
on gol par ogni sasso.

In stala ghea segnā
sie quadri coi carbon:
saltando in qua in lā
zugavo canpanon.

Scola, dotrina, Messa,
Messa, dotrina e scola,
par no fruarle in pressa
me le metéa tracola.

Desso xe naltro vivare,
ancō se marcia in fin
e al posto de le sgālmare
mi porto el mocassin.

No so se xe ‘l vedčlo,
no so se xe l’etā,
ma, che sia bruto o belo,
go senpre i pie giassā.

In giro par le stanse
go noni, go savate,
ma i pie ga le buganse
che senpre me sconbate.

Me sposto come posso
par drito e par roerso;
coi cali che go indosso
camino par traverso.

Oh cara la me sgalmara!
Desmentegā par casa,
dispersa par la caneva,
lāssame ca te basa.

La ciapo par na recia
e vedo, boja can!
che se ga fato vecia
la pele de la man.

La ciapo par el spago,
la taco tirar sų,
basandola ghe dago
l’adėo a la gioventų.