Stamatina, stanca e cu' disiu ri scappari ri tutti i pinzieri Minni ivu a Munti Piddirinu, na du beddu spiazzali, unni c'è a nostra Santuzza ca ni talia, unni u munti si vasa cu mari e cu u suli. Appena arrivavu, ristavù ncantata Mi scuiddavu i pinzieri Taliava a me tierra, biedda! china ri suli, un cielo ca pari un mantu di Madonna, u mari azzurro e brillanti comu u cristallo, u ciavuru ra zagara ca ti inchi e t'abbrazza. Pinsavu: che biedda a me tierra! A chiu biedda ru munnu! peccato ca na maniata ri latri sa stannu manciannu, na maniata ri cristiani ca cu a giacca e a cravatta su tutti signori e poi arruobbanu, e i puvirieddi, chiddi oniesti, hannu a viriri i fighi ca si ni scappanu, a Palermo un ci vuonnu stari.... picchi si vuò travaghiari prima tà fari raccumannari? Isavu l'uocchi e t'aliavu a Santuzza Ci rissi: ma tu nienti po fari? Unnu viri comu nà riduciemu? semu stanchi, mettici na manu tu Santuzza mia! Palermo avi ancora bisogno ri tia... Avi sempri bisogni ri tia... U me cori si strinciu e taliannu a statua cu l'uocchi chini i chiantu.... Mi passi i sientiri un coro di ave maria Mi giravu era Palermo ca' priava cu' mia.
Commenti