Core ca me tiene mente e 'a luntàno me spìe e nun parle uócchie verde, capille d'oro vocca sperùta ca cercate vase mo ca attuórne a mme accumparìte e mme facite festa e ammuìna dìcete ca è ffernuto 'o malietiempo 'e passata 'a nuttata nera e cupe? Pigliàrrà na bon'abbiàta sta matenàta ch'è spuntàta pè uno ca pà vita spassea senza sapè si n'ata carezza o nu poco 'e bene le spetta primma ca se chiùre 'o destino? Che dìcite s'alluma dimàne n'atu pìzzeco 'e sole m'attocca o surtànto n'atu poco vò sfruculià a malasciòrta stu pòvero core mio? Facìteve cchiù vicino facìteme sentì buòno chello ca dìcete cuntàteme sùlo 'a verità ca si arrassusía na buscìa fosse ì ne murarrìa sicùro. Cèrto ca ce vurrìa crérere si vuje franco site pecché senza crérere cchiù a niénte uno po' addò s'abbìa e vuje sapìte ca si torna na lusinga sponta n'ata vòta na speranza! Ma vuje primm 'e parlà ato vulìssivo sapè ma che ve pozzo dìcere: ogge ve putimmo dì surtànto chello ca nun simmo, chello ca nun vulimmo e tutto chello ca cercammo sénza maje truvarlo si no ca d'into a nu suónno affurtunàto... Suónno vuje sìte? Sénza prèssa rispùnnite a st'òmmo ca niénte sape e dìcitelo si sùlo addà campà o cumpagnìa lle vulite fà!
Commenti