Comme cagne 'o tiempo! Nu cavero ê pazze fino a jere e int'a niente nu friddo stammatina! Comme d'int''a nu mumento cagne 'o tiempo..e pure 'a gente! Me vò ncuntrà e me vò cercà scusa chi male m'ha fatto senza nu mutivo; comm' 'o pappece abbecìno a noce ca dice: 'Damme o' tiempo ca te spertose' accussì forse' bene e ragione pe' nu core e na cuscienza po' hannno ditto e fatto. Si cagna 'o tiempo è pecché è cagnate 'o cielo ma si overo cagne na persona tu che ne può sapè! Si ce stanno 'e nuvole o 'o sole tu 'o vìde ma comme faje a vedè chello ca ce stà d'into a capa 'e uno! Quanno tanta buscie t'hanno scarrupato l'anema comme può chiù credere a na verità! Core nfanfaruto, c'avimmma fa? Fosse 'a capa nu mellone putisse fa 'a prova assaggià 'o sapore ca tene nu pensiero sapé si doce o amare 'a vocca po' te lasse. 'E femmene ne sanno chiù d'u diavolo mico nun 'o saccio ! Ma 'a piglià pe' fesso a uno comm'a me che sfizio ce pò stà che sfizio ce pò stà a pavà ammore cu nfamità! 'O juoco d''o pentimento nun esiste: 'o vulisso ammentà tu Francé ? Pe' na vota e pe' sempe fosse po' overo chello ca 'o core touje me vò dì?
Commenti